Basa rek indit ka kota, si Cepot anu katelah preman Bojongrangkong, dibejaan ku Kang Maul, anu katelah ‘Anak Gaul’ tea, yen di kota mah lamun dahar teh make sop jeung bir hitam. Ari Sop dina mangkok, diuyup panas-panas. Ari bir hitam, dina botol warnana hideung.
Sanggeus nepi di warung, Cepot langsung menta Sop jeung Bir hitam tea.
Cepot : “Cik menta eta sop na anu panas…”
Pelayan : “Ieu mah cai teh, sanes sop ”
Cepot : “ Mun ceuk aing sop, eta teh sop” (maklum preman embung disalahkeun)
Pelayan : “ Nya mangga atuh…..”
Sanggeus diuyup panas-panas, manehna mere komentar
Cepot : “ Haneutna mah cukup, ngan kurang uyah Sop teh…,
” Cik eta Bir hitam kadieukeun…”
Pelayan: “ Ieu mah kecap atuh agan…..”
Cepot : “ Mun ceuk aing bir, eta teh bir, gancang buka…”(bari molotot..)
Eta kecap beak sabotol ditotor sakaligus…..
Cepot : “ Naha bir teh amis-amis teuing??…..”(bari tuluy kapiuhan.)
